6 November 2020
Liewe ouers
Welkom terug vir die laaste
kort kwartaal!🌸 Die tyd vlieg verby, kon nie glo toe ek sien
hierdie kwartaal het net 6 weke! 👀
Ons wil net baie dankie sê
vir jul harde werk met die verkoop van die lootjies!
Ons Gradepledigheid vind plaas 19 November vir ns Gr R kleuters. Ons
sal volgende week meer inligting aan die Gr R ouers deurgee.👨🎓
Voorrade vir die 4de kwartaal
is as volg:
Wieg 1: Almal: 1 houer tissues, 1 bottel
skottelgoedseep. 1 rol swartsakke
Wieg 2: Almal: 1 houer tissues, 1 rol swartsakke, 1
Jik/Domestos of Handy Andy
Eendjies : Seuns: 5
rolle t/papier en 1 toiletreiniger of Domestos
Dogters: 5 rolle t/papier en houer tissues
Bokkies: Seuns: 5 rolle t/papier en 1 waspoeier
Dogters: 5 rolle t/papier en 1 tissues
Jakkalsies: Seuns:
5 rolle t/papier en skottelgoedseep
Dogters: 5 rolle t/papier en waspoeier
Bytjies: Seuns: 5 rolle t/papier en skottelgoedseep
Dogters: 5 rolle t/papier en 1 wasgoedversagmiddel
Hasies: Seuns: 5 rolle t/papier en 1 Handy Andy
Dogters: 5 rolle t/papier en 1 Jik/Domestos
Graad R: Seuns: 5 rolle t/papier en 1 houer tissues
Dogters: 5 rolle t/papier en 1 toiletreiniger/Domestos
Dankie
vir die ouers wat reeds gebring het.
Vriendelike
groete
………………………………………….
Me. M. Marx: Kleuterskoolhoof
Wees
geduldig met jouself, niks in die natuur blom heeljaar lank nie.
Hierdie is ons laaste brief
van die kwartaal. Die skool sluit
volgende Vrydag 23 Oktober, om 10h00. Daar sal ongelukkig vir die Wieg geen vakansie toesig wees nie,
as gevolg van Covid 19. Die skool sluit
23 Oktober en begin weer 2 November 2020.
Ons fotodag is 5 November 2020.
Kostes is as volg:
Die pakket se koste is R135
Gradeplegtigheid R135 slegs
Gr. R leerlinge.
Ons vra dat julle asseblief
ook die lootjievorms sal terug stuur. Groot pryse te wen! Dit is ‘n
gesamentlike fondsinsameling met die Laerskool.
Ons het ‘n skrywe van SAOU
ontvang van die nuutste Covid reëls. Daarin staan geen kore en konserte nie. Ai,
liewe ouers ons wou so graag ‘n lekker kuieraand gereël het, maar ons moet
ongelukkig by die reëls hou. So ons gaan net vir die Graad R’e ‘n grade aand aanbied
die 19de November 2020. So jammer! Ons sal volgende kwartaal meer inligting
daaroor uitgee!
Rus lekker ons vakansie week.
Ry veilig en kom veilig terug!
Vriendelike groete
……………………………
Me. M. Marx: Kleuterskoolhoof
“Gebed laat ‘n mens se hart al hoe groter word, sodat dit
naderhand groot genoeg is om die gawe van God self te ontvang”
Moeder Teresa
28 Augustus 2020
Liewe Ouers
Ons wil elke
ouer en kleuter bedank vir hul bydrae gister met die kosblikkie en worsbroodjie
verkope. Ons wil ook die manne, JP en
Zehan bedank, wat in die wind gestaan en braai het, wat ook die rede was dat
ons bietjie agter was, die wind het die gas kort kort doodgewaai, so ons vra
onverskoning daaroor,. Dan ook die mammas, Anelda, Chantelle en Helena, wat weereens hul tyd opgeoffer het, om ons te help
om die broodjies te pak. Ons waardeer dit opreg.
Vandag verkoop
ons worsbroodjies by Senwes, kom ondersteun ons ook daar asseblief. Soos ons
gesê het, gaan al die fondse, om te help dat ons ons Beheerliggaamsposte kan
behou. Ons bedank ieder en elk vir jul bydrae, ons waardeer dit.
Dit is amper 1
September 2020, Lentedag!! Kleuters betaal R10, dan dollie hulle op vir die
dag. Kleuters ontvang elkeen ‘n ysie, wat geskenk is, deur Anelda
Myburgh. Baie dankie aan elkeen wat ‘n bydrae gelewer het.
Middagklas en
die Wieg heropen op Maandag, 7 September 2020. Kleuters kom vanaf 1uur na die
middagklas, dan word hulle vanaf 16h30 afgevat na die hek toe waar die ouers
hulle aflaai in die oggend, dan kry ouers hul daar, tot en met 17h00. Geen
kleuter mag na 17h00 afgehaal word nie, die hek moet dan sluit, en die klasse
moet gesaniteer word. So kom ons hou asseblief by die reeling anders, gaan hul die
middagtoesig weer toemaak. Dankie vir u samewerking.
Vriendelike
groete
…………………………………..
Me. M. Marx:
KLeuterskoolhoof
Ons dank God vir sy onuitspreeklike gawe. 2 Kor: 9:150
20 Augustus 2020
Liewe
ouers
Baie
dankie aan die ouers wat hul skoonmaakmiddels vir die kwartaal gestuur het.
Ons wil ook elke ouer en kleuter bedank wat so mooi saamwerk met die
Covid 19 reëlings, ons waardeer die samewerking, om almal veilig en gesond te hou. Ons vra net weer baie mooi, as u kleuter
enige simptome toon, om u kleuter asseblief by die huis te hou, en ons dadelik
in kennis sal stel.
Ons
wil ook net weer die tye besvestig. Ons
begin in die oggende vanaf 07h15 tot
08h00 by die hek, en die middae vanaf 12h30 tot 13h00.
Ons
wil kyk of Veronica weer die middagklas, en so ook Wieg 1 &2 vir die middag
kan open, maar eers moet ons ‘n opname maak, in hoeveel belangstel. Kleuters sal vanaf 13h00 na haar toe gaan,
Wieg 1 & 2 bly dan in hul klas, en dan sal hulle met kleuters na die hek
toegaan, waar kleuters afgelaai word, vanaf 16h30 tot 17h00. Geen kleuter mag
na 17h00 gehaal word, hekke moet dan sluit.
As u belangstel, kan u Veronica net laat weet asseblief.
Vriendelike
groete
……………………………………..
Me.
M. Marx: Kleuterskoolhoof
God gee altyd die beste aan diegene wat die
keuse aan Hom oorlaat.
14 Augustus 2020
Liewe ouers
Kwartaal 3 het pas
begin! Daar is 11 weke oor vir die
kwartaal. ‘n Lekker lang kwartaal, wat
eers die 23ste Oktober sluit.
Ons het die
week weereens gesien ons kleuters pas goed aan.
Hulle geniet die skool, speel en
hulle maatjies. Ons geniet weer die vrolike lag van die kleuters. Dit is
wonderlik hoe die kleuters aangepas het, om hul maskertjies op hul gesiggies te
hou.
Ons sien uit
na die koms van die Gr R’e, Maandag 17 Augustus! Julle almal moet sommer vir jul ander
maatjies vertel, hoe lekker is dit by die skool, dat hulle ook gou sal
terugkom!
Veiligheidsmaatreëls:
As jou kleuter
siek is, neus loop, hoes of diarree het, moet hy/sy eerder by die huis bly
asseblief. Hierdie reël geld vir ouers, onderwysers en kleuters. Ons wil graag almal beskerm teen Covid 19. Indien jy dalk jou kleuter by die huis wil
hou vir ‘n dag, laat weet asseblief die klasonderwyseres. Ons vra almal se
samewerking asseblief, om almal gesond te hou.
Weereens baie
dankie aan ons ouers wat so getrou hul skoolfonds betaal.
Kwartaal
se voorrade:
Wieg 1: Almal: 1 houer tissues, 1 bottel skottelgoedseep.
1 rol swartsakke
Wieg 2: Almal: 1 houer tissues, 1 rol swartsakke, 1
Jik/Domestos of Handy Andy
Eendjies : Seuns: 5 rolle t/papier en 1 toiletreiniger of
Domestos
Dogters: 5 rolle t/papier en houer tissues
Bokkies: Seuns: 5 rolle t/papier en 1 waspoeier
Dogters: 5 rolle t/papier en 1 tissues
Jakkalsies: Seuns:
5 rolle t/papier en skottelgoedseep
Dogters: 5 rolle t/papier en waspoeier
Bytjies: Seuns: 5 rolle t/papier en skottelgoedseep
Dogters: 5 rolle t/papier en 1 wasgoedversagmiddel
Hasies: Seuns: 5 rolle t/papier en 1 Handy Andy
Dogters: 5 rolle t/papier en 1 Jik/Domestos
Graad R: Seuns: 5 rolle t/papier en 1 houer tissues
Dogters: 5 rolle t/papier en 1
toiletreiniger/Domestos
Vriendelike groete
………………………………………….
Me. M. Marx: Kleuterskoolhoof
“ U is my toevlug en my veilige
vesting, my God op wie ek vertrou”.
5 Maart 2020
Liewe
ouers
Net
‘n laaste brief vir die kwartaal, om vir ieder en elk dankie te sê vir die kwartaal wat so verby gevlieg het.
Wat
‘n hèèrlike dag was dit nie die 28ste Februarie, ons atletiek, voorwaar weer ‘n
dag om te onthou!! Kleuters het die oggend so mooi aangetrek, om te wys wat hul
eendag wil word!! Groot drome wat dalk
eendag waar kan word! Dankie ouers!!
Ons
jaarlikse atletiekbyeenkoms was die middag. Onder groot aanmoediging van Steyn
Groenewald, het die kleuters die middag terdeë geniet!! Die skaap
het groot belangstelling gewek, en die gelukkige wenner was Mnr. Koos
Smith. Baie geluk!!
Dankie
weereens vir alle bydraes wat ons ontvang het, om die dag so mooi en lekker te
maak. Ons waardeer elkeen se insette.
Ons
wil ook vir Chantelle Reitz, assistent in die Eendjieklas, wat ons gaan verlaat
die einde van die kwartaal, baie sterkte toewens!
Skool
sluit 20 Maart 2020, om 10h00, en begin weer op 31 Maart 2020. Wieg 1 & 2 is oop die vakansie.
Ons
weet almal trek swaar, maar ons vra assebief vir enige kruideniers/nie
bederfbare produkte wat u kan afstaan, sodat ons weer ons minder bevoorregte
kindertjies kan help. Dit kan afgegee word in die kantoor, by Veronica.
Vriendelike
groete
……………………………………….
Me.
M. Marx: Kleuterskoolhoof
Kom na MY toe, almal wat uitgeput en oorlaai
is, en EK sal julle rus gee. Matteus
11:28
Atletiek
2020
Atletiek program vir 2020 om
16h00 te Kroonheuwel Rugbyveld !
Aankondiger - Steyn Groenewald
Afsetter - Mnr Werner
Musiek
en klank - Christa
Program
verloop as volg:
* Kleuters kom bymekaar om
15:45 op grasbane (netbalbane) agter die paviljoen by
hulle juffrouens!
* Om 16:00 loop ons om die
baan en doen die kreet!
* Verwelkoming: Steyn
Groenewald
* Opening en bedankings: Juf.
Marthie
1. Wieg 1 en 2 - Ouer moet stap
met baba of kleuter (of op skouer, dra
of abba) en stap dan vanaf afsetspunt tot by
wenstreep!
2. Eendjies - Ouers wag by die wenstreep.
3. Bokkies en Jakkalsies -
Ouers wag by die wenstreep.
4. Hasies en Bye - Ouers wag by die wenstreep.
5. Gr. R’e - Ouers wag by die wenstreep.
6. Aflos - Eerste groep begin met ballonne tussen knieë
tot in helfte.
(4 persone per span) Tweede groep loop met boontjiesak op hul
kop tot by
wenstreep.
Derde groep spring met hoepels tot
by die begin punt.
Vierde groep hardloop tot by die
wenstreep.
7. Eiers gooi
8. Groot oomblik - Skaapborde op gras.
9. Toutrek
20 Februarie 2020
Liewe ouers
Valentynsdag, Dankie vir spoggerige kleuters!
25 Februarie, Dinsdag, Bring vorms van pizzas en worsbroodjies bestellings vir atletiek terug!
26 Februarie, Woensdag, Skaaplootjie vorms terug! Kry papierborde by kantoor!
28 Februarie, Vrydag, Opdollie gratis oggend! wat ek wil eendag word bv. brandweerman.
28 Februarie, Vrydag, Koekverkoping
28 Februarie, Vrydag om 16h00, Atletiek op die rugbyveld!! KLEUTERS en GESINNE WELKOM!! Lekker pret middag!! Snoepie beskikbaar! WEN SKAAP!!
Mooi week!!
Belangrike inligting
tov Kroonheuwel Skoolfonds:
Dit is ons as Ouers se verantwoordelikheid om die betaling van
skoolfonds op datum te hou.
Alle uitstaande skoolgelde tov 2019 wat teen 4 Maart 2020 nie ten volle
betaal is en of skriftelik ‘n betalings ooreenkoms by die kantoor kom voltooi
het nie, sal oorhandig word vir invordering.
Alle skoolgelde is vooruit betaalbaar.
Voortaan sal alle skoolfonds rekeninge uitgestuur word met ‘n Ontvangs
erkenning strokie wat deur die Ouer geteken moet word en terug gestuur word na
Klas register onderwyser waar dit afgemerk sal word en na die Finasiele Kantoor
gestuur sal word.
Indien U skoolfonds per EFT inbetaal word, gebruik asb. die korrekte
rekening nommer as inbetalings verwysing, Hierdie Unieke nommer sal op U rekening
links bo verskyn. Let asb. dat Kleuter Kommando se kinders elk ‘n individuele
rekening het en dat hul nie meer as
gesinne soos KPS se rekeninge gaan kry nie.
Dus moet Ouers asb. spesifiseer op hul bewys van inbetaling of die gelde
tov Kleuter Kommando en of KPS is. Sien asb. die volgende voorbeelde :
09600 Pienaar Skoolfonds
R07800 Hasies Pienaar Skoolfonds
Indien U per EFT skoolfondse oorbetaal kies asb. op U bank die opsie om
bewys van betaling per Epos te stuur aan :
Skoolgeld@kroonheuwel.co.za
Indien U nie bewys kan Epos nie, handig asb. bewys van betaling by skool
Kantoor in.
Indien daar enige onduidelikhede
is kom asb. na die Finansiele Kantoor Vanessa en Tania sal U enige tyd van hulp
wees.
Baie dankie vir U samewerking
…………………………………
Me. M. Marx: Kleuterskoolhoof
13 Februarie 2020
Liewe ouers
Net ‘n kort
briefie om jul te herinner aan Valentynsdag, môre. Kleuters betaal R10 , dan kan hulle rooi, wit
of pienk aantrek, en elke kleuter kry ‘n spookasem!
Elke juffrou neem foto’s in die klas, wat hulle dan op hul groepe gaan
plaas, so jul kan self foto’s aflaai en ontwikkel.
Ons het
voorbeelde van die grootte vir die Kleuterkommando hempies gekry, u kan in die
kantoor kom pas.
Maak seker jy
het ‘n skaapvorm ontvang by jou kleuter se klasonderwyseres, om teleurstelling
te voorkom! Vir die nuwe ouers, wil ons
net verduidelik hoe dit werk. Jy verkoop
lootjies op jou skaapvorm, as jy die vorm terugbring, word daar vir elke naam
wat jy op jou lys het, ‘n papierbord geskryf.
Die dag met die atletiek, word al die borde binne ‘n kraal vasgesit op
die gras, en dan word die skaap losgelaat, en op die bord wat hy sy “merkie”
los, daai persoon wen die skaap!! Dit is regtig groot pret!!
Dan wil ons
graag ‘n opname maak van ons meerjarige kalender, om te sien hoeveel
belangstelling daar is. Dis ‘n groot
werk, en ons moet weet of dit die moeite werd is, so gee ons asseblief ‘n
aanduiding of jy belangstel! Die koste gaan plus minus so R160 ‘n kalender
wees.
Indien jy
belangstel, gee jou naam op by jou kleuter se klasonderwyseres.
Vriendelike
groete
…………………………………
Me. M. Marx:
Kleuterskoolhoof
Laat ons die
wedloop wat vir ons voorlê, met volharding hardloop, die oog op Jesus, die
Begin en Voleinder van die geloof. Hebreërs 12: 1,2
06 Februarie 2020
Liewe ouers
Die tyd vlieg so vinnig
verby, ons lewens gaan so gou verby, kom ons gryp elke dag, en leef dit
voluit!!
Aankomende Saterdag, 8
Februarie, het ons reg oorkant Country Meat, ons Boerewors kompetisie. Kom en ondersteun ons asseblief!!Verlede jaar
het Johan Slabbert Skool, die prys gewen vir die beste gees! Kom ons probeer om
die jaar met die titel weg te stap!
Johan Pretorius, ouer van ons skool, het verlede jaar die kompetisie
gewen. Johan gaan weer ons skool verteenwoordig met die braai! Ons gaan verlede jaar se wengeld gebruik, om kamera’s in ons skool
te sit!
Ons is nog besig met
kwotasies. Dankie Johan, jy is ‘n ster!!
Sterkte vir Saterdag!!
Vrydag, 14 Februarie, is dit Valentynsdag! Kleuters kan dan rooi, wit of
pienk aantrek. Elke kleuter betaal R10,
en kry dan ook ‘n spookasem! Elke
Juffrou gaan haar kinders in die klas afneem, en dan die foto’s op die groepie
sit sodat ouers self die foto kan ontwikkel as hul wil!
Ons atletiek vind plaas op Vrydagmiddag, 28 Februarie, om 16h00,
op die Laerskool se rugbyveld.
Neem kennis – daar is ‘n
skaap te wen!!! Ons gaan lootjievorms uitgee! Dit gaan Maandag deur die
klasonderwyseresse uitgegee word. Maak seker u het ‘n vorm, dan is jy deel van
die groot pret met die skaap!!
Enige ouer wat weer
belangstel om ‘n Kleuterkommando hempie te bestel, kan u kleuter se naam opgee
by die onderwyseres, sodat ons die getalle
vir die verskaffers kan deurgee, en dan volgens die getal van hoeveel
hempies, sal hulle vir ons ‘n prys gee. Ons sal dan weer ‘n afskeurbriefie
uitgee, waar u dan die kleuter se groote kan gee.
Ons leerkragte beplan om ‘n
meerjarige (verjaardag) kalender te maak, met kleuters se kuns. Elke ouderdom kry ‘n maand om te
versier. Ons wil probeer om die kalender
so in die helfte van die jaar uit te gee, dan kan u dit as’n kers- of
verjaardaggeskenk aan ‘n persoon gee.
Ons vra onverskoning vir die hek se klokkie wat nie werk nie, die weer
van nou die dag het hom getref. Ons het
iemand gekry wat sal kom kyk. Jammer vir die ongerief.
Dankie vir die ouers wat
reeds hul skoonmaakmiddels vir die kwartaal gebring het.
Vriendelike groete
………………………………………………
Me. Marx: Kleuterskoolhoof
Wees vriendelik en bedagsaam met almal met
wie jy te doen kry – net omdat JY goeie maniere het.
22 Januarie 2020
Liewe Ouers
2020 het
begin!! Wat ‘n groot uitdaging! ‘n Heerlike vooruitsig, om hierdie jaar aan te
pak!
Dankie aan al
die ouers vir jul teenwoordigheid by ons oueraand, dit was so lekker om jul
daar te sien!
Ons
kwartaalprogram is as volg:
Ons wil net
noem dat die fliekaand, wat 31 Januarie 2020 sou plaasvind, vir eers uitgestel
is, tot ‘n latere datum.
Saterdag 8 Februarie – Worsbraai kompetisie
Vrydag
14 Februarie
– Valentynsdag
Vrydagmiddag
– 28 Februarie om 16h00
– Atletiekdag! Ons sal later meer
besonderhede deurgee. Neem kennis –
daar is ‘n skaap te wen!
Koekverkopingdatums
:
31
Januarie 2020
– Wieg 1 & 2, Eende en Bokkies
21
Februarie 2020 – Gr R’e
13
Maart 2020 –
Bytjies, Hasies en Jakkalsies
Ons verkoop
Vrydag, 24 Januarie 2020, pannekoek @ R4 ‘n pannekoek. Ons gee ‘n strokie uit
wat u kan invul, en terugstuur skool toe, indien u sou belangstel.
Ons
vra groot asseblief dat u al u kleuter se goedjies duidelik merk!!
Dan gee ons ook
net weer die kwartaal se voorrade vir u deur:
Wieg 1: Almal: 1 houer tissues, 1 bottel
skottelgoedseep. 1 rol swartsakke
Wieg
2: Almal: 1
houer tissues, 1 rol swartsakke, 1 Jik/Domestos of Handy Andy
Eendjies
: Seuns:
5 rolle t/papier en 1
toiletreiniger of Domestos
Dogters:
5 rolle t/papier en houer tissues
Bokkies: Seuns: 5 rolle t/papier en 1 waspoeier
Dogters:
5 rolle t/papier en 1 tissues
Jakkalsies: Seuns:
5 rolle t/papier en skottelgoedseep
Dogters: 5 rolle t/papier en waspoeier
Bytjies: Seuns:
5 rolle t/papier en skottelgoedseep
Dogters:
5 rolle t/papier en 1 wasgoedversagmiddel
Hasies: Seuns:
5 rolle t/papier en 1 Handy Andy
Dogters:
5 rolle t/papier en 1
Jik/Domestos
Graad
R: Seuns:
5 rolle t/papier en 1 houer
tissues
Dogters:
5 rolle t/papier en 1 toiletreiniger/Domestos
Vriendelike
groete
……………………………………………………
Me. M. Marx:
Kleuterskoolhoof
Deur geloof word: dit
wat bó ons is, goed: dit wat óm ons is,mooi, en dit wat vóór ons is, heerlik.
No comments:
Post a Comment
Note: only a member of this blog may post a comment.